cabecera
  Consello Asesor | Foros e enquisas | Informes | Noticias | Enlaces | Consultas | Histórico
 
Envíanos a túa opinión
Se o desexas, podes enviarnos a túa opinión cubrindo este formulario.

Máis información sobre o tema
- Non hai

Envíalle esta noticia a un amigo
Podes enviarlle esta noticia á persoa que o desexes.

Noticias

Foron entregados nun acto presidido polo Vicepresidente 1º do Parlamento de Galicia celebrado en Santiago de Compostela
Os XXI premios de publicidade en galego recaen en tres anuncios da Fundación Catedral de Santiago, Grupo Radio Lugo e Aceites Abril
Foron seleccionados os reclamos publicitarios “Faite amigo da Catedral”, “O Son da Nosa Fala” e “Maxia Verde"

Os reclamos publicitarios “Faite amigo da Catedral”, “O Son da Nosa Fala” e “Maxia Verde”, da FUNDACION CATEDRAL DE SANTIAGO, GRUPO RADIO LUGO e ACEITES ABRIL, respectivamente, foron os gañadores da XXI edición dos premios de Publicidade en Galego que cada ano convoca o Consello Asesor de RTVE en Galicia e da CRTVG, en funcións. Ao acto de entrega dos galardóns asistiron o vicepresidente 1º do Parlamento de Galicia, Miguel Ángel Santalices Vieira, a vicepresidenta 2ª do Parlamento de Galicia, Mª Soledad Soneira Tajes, o secretario xeral de Política Lingüística, Valentín García Gómez, o secretario xeral de Cultura da Xunta de Galicia, Anxo Lorenzo Suárez, o director xeral de Comunicación da Xunta de Galicia, Lucas Martinón Torres e o presidente do organismo convocante, Xosé Miguel Alonso Boó.



14 de maio de 2014
OS XXI Premios de Publicidade en galego, convocados polo consello asesor da CRTVG e RTVE-G, entregarase este ano en Santiago
O acto será ás 18.00 horas, no Parlamento de Galicia (Rúa do Hórreo)

O Consello Asesor da CRTVG e RTVE en Galicia entregará hoxe mércores, 14 de maio, ás 18.00 horas, no Parlamento de Galicia (Rúa do Hórreo), o “XXI Premio de Publicidade en Galego”, único no seu xénero existente en Galicia. O concurso vai dirixido a medios de comunicación, axencias e entidades promotoras que difundan anuncios e cuñas en galego. A esta XXI Edición dos Premios de Publicidade en Galego, presentáronse 117 traballos nas tres modalidades: Internet, radio e televisión.



Convocatoria anual
XXI Premios de Publicidade en galego 2013
Convócanse os premios aos mellores produtos publicitarios elaborados en galego emitidos ou publicados no ano 2013

O concurso será aberto e poderanse premiar a medios, axencias ou entidades que promovan ou difundan anuncios ou cuñas publicitarias transmitidas integramente en galego.
Descarge as bases do concurso (pdf)




Informe
A televisión en Galicia 2010-2012
Informe elaborado por Antonio Sanjuán, Sandra Martínez e María Jesús Díaz

Este artigo foi elaborado por profesores da Universidade da Coruña e publicado no Informe da Comunicación 2013 editado polo Consello da Cultura Galega e coordinado por Xosé López, Manuel Rivas e Rosa Aneiros.
Descargar o documento (pdf)




Artigo de Ángel Liceras Ruiz, Universidad de Granada
Medios de comunicación de masas, educación informal e aprendizaxes sociais
"Os medios están máis preocupados en ver os nenos como consumidores ca en cumprir a súa misión educadora e en pensar neles como persoas ás que hai que formar en valores, en coñecemento, en saber, en soños e en diversión"

Certos fracasos educativos proveñen dunha construción do coñecemento académico descontextualizado. Isto pode acontecer porque a cultura académica non adoita ser sensible ás fontes onde os nenos e os mozos novos adquiren o coñecemento para elaborar o seu pensamento social, nin ás formas en que estes perciben o mundo que os rodea. Ver artigo completo



Informe do profesor Francisco Sacristán
A proxección mediática da televisión na idade infantil
"A imaxe da sociedade subministrada polo cine e a tv está frecuentemente distorsionada"

O choque cultural que os medios de comunicación como instancia e contexto de socialización representan nas nosas experiencias vitais e a profusión de documentos audiovisuais que cada día se elaboran en campos tan distintos como o do entretemento, a educación, o musical, etc. constituíu a base fundamental para realizar este traballo sobre o aluvión de imaxes que invaden os fogares de todos nós e a todas as horas do día. Tendo en conta a natureza desta materia, centreime especialmente nas fondas repercusións dos actuais formatos e linguaxes audiovisuais sobre as nenas e os nenos, dado que como seres humanos nunha etapa de formación crucial na súa vida, me interesa indagar a clase de coñecementos,valores e pautas de comportamento que adquiren practicando esa afección tan expandida hoxe como é o feito social de "ver a televisión". [Descargue o artigo completo]



Foron entregados nun acto presidido pola Secretaria Xeral de Medios celebrado en Santiago de Compostela
OS XX PREMIOS DE PUBLICIDADE EN GALEGO RECAEN EN TRES ANUNCIOS DO CONCELLO DE CAMBRE, LARSA e GADIS
Os reclamos publicitarios “Ti fas Cambre”, “Sairemos como galegos” e “As cousas boas” foron os gañadores

Os reclamos publicitarios “Ti fas Cambre”, “Sairemos como galegos” e “As cousas boas”, do CONCELLO DE CAMBRE, GADIS e LARSA, respectivamente, foron os gañadores da XX edición dos premios de Publicidade en Galego que cada ano convoca o Consello Asesor de RTVE en Galicia e da CRTVG, en funcións. Ao acto de entrega dos galardóns asistiron a secretaria xeral de Medios da Xunta, Mar Sánchez Sierra, o secretario xeral de Política Lingüística, Valentín García Gómez, o alcalde do Concello de Santiago de Compostela, D. Anxo Currás Fernández e o presidente do organismo convocante, Xosé Miguel Alonso Boó.



Luns, 13 de maio, no museo das peregrinacións de Santiago
O acto de entrega dos XX premios de publicidade en galego celebrarase en Santiago de Compostela
O “XX Premio de Publicidade en Galego” é o único premio no seu xénero existente en Galicia

O Consello Asesor da CRTVG e RTVE en Galicia entregará o vindeiro luns, 13 de maio, ás 19.00 horas, no Museo das Peregrinacións e de Santiago (Praza das Praterías), o “XX Premio de Publicidade en Galego”, único no seu xénero existente en Galicia. O concurso vai dirixido a medios de comunicación, axencias e entidades promotoras que difundan anuncios e cuñas en galego. A esta XX Edición dos Premios de Publicidade en Galego, presentáronse 127 traballos nas tres modalidades: Internet, radio e televisión.



Informe
O director xeral da CRTVG dá conta das perspectivas do medio público ao Consello Asesor de RTVE-G e da CRTVG
Destaca que a CRTVG chega á transformación do seu marco xurídico “identificada pola eficiencia económica e a rendibilidade social”

O director xeral da CRTVG, Alfonso Sánchez Izquierdo, compareceu o pasado luns día 8 de abril ante o Consello Asesor de RTVG-G e da CRTVG para dar conta da situación na que se atopan os medios públicos de Galicia e das súas perspectivas a curto e medio prazo.




Bases
XX PREMIOS DE PUBLICIDADE EN GALEGO 2012
Publícanse as bases dos XX Premios de Publicidade en galego

O prazo remata o 31 de marzo de 2013




OS CONSELLOS DA CRTVG E A CRTVE-G MANTEÑEN UNHA XUNTANZA PARA ANALIZAR A PROGRAMACIÓN DA CRTVG


O pasado mes de xullo reuníronse os membros dos consellos de Administración da Compañía de Radio-Televisión de Galicia e do Consello Asesor de RTVE en Galicia. Esta reunión enmarcase dentro das xuntanzas, por norma, que deben manter estes dous organismos, e segundo reflicte a Lei 9/1984, do 11 de xullo, na que se especifica que o Consello Asesor de RTVE en Galicia será convocado cando menos semestralmente para cada unha das sociedades polo Consello de Administración da CRTVG.




O CONSELLO ASESOR DA CRTVG E RTVE-G MANTIVO UNHA XUNTANZA DE TRABALLO CO SECRETARIO XERAL DE MEDIOS, ALFONSO CABALEIRO




Santiago de Compostela, 9 de xullo de 2012.
Os membros do Pleno do Consello Asesor da CRTVG e RTVE-G mantiveron, o pasado 9 de xullo, unha xuntanza de traballo co Secretario Xeral de Medios, Alfonso Cabaleiro, na que o devandito alto cargo da Xunta deu conta do avance, do desenrolo e tamén, das diferentes repercusións das normativas existentes sobre o audiovisual na nosa Comunidade.





OS MEMBROS DO CONSELLO ASESOR DA CRTVG E RTVE-G FELICITAN AO SEU PRESIDENTE, MIGUEL ALONSO BOÓ POR ACADAR O TITULO DE DOUTOR
Os membros do Consello Asesor da CRTVG e RTVE-G felicitaron ao Presidente deste ente por acadar o titulo de doutor



Xose Miguel Alonso Boó (San Sebastian, 1955), defendeu un estudo sobre a mala prensa do eucalipto en Galicia. Nel sinala que de todas as especies plantadas en Galicia, o eucalipto é das que goza dunha menor estima por parte da opinión pública, consecuencia de que “durante 35 anos padecera os efectos perniciosos da mala prensa”.




XIX edición dos premios de publicidade en galego
Os anuncios de Inega, Vía Romana e "Ler Librarías" gañan os premios de publicidade en galego
Os premios foron entregados en Lalín


Os reclamos publicitarios “Plan de axudas para adquisición de vehículos eficientes”, “LER Muros” e “Vía Romana”, do INEGA, LER LIBRERIAS e ADEGAS E VIÑEDOS VIA ROMANA, S.L., respectivamente, foron os gañadores da XIX edición dos premios de Publicidade en Galego que cada ano convoca o Consello Asesor de RTVE en Galicia e da CRTVG. Ao acto de entrega dos galardóns asistiron o secretario xeral de Medios da Xunta, Alfonso Cabaleiro Durán, o secretario xeral de Política Lingüística, Valentín García Gómez, o alcalde do Concello de Lalín, D. Xosé Crespo Iglesias e o presidente do organismo convocante, Xosé Miguel Alonso Boó.





OS XIX PREMIOS DE PUBLICIDADE EN GALEGO, CONVOCADOS POLO CONSELLO ASESOR DA CRTVG, ENTREGARANSE ESTE ANO EN LALÍN
Será o vindeiro luns día 14 de maio no museo Ramón Aller

O Consello Asesor da CRTVG e RTVE en Galicia entregará o vindeiro luns, 14 de maio, ás 18.00 horas, no Museo Ramón Aller en Lalín (r/ Ramón Aller, 9), o “XIX Premio de Publicidade en Galego”, único no seu xénero existente en Galicia. O concurso vai dirixido a medios de comunicación, axencias e entidades promotoras que difundan anuncios e cuñas en galego. A esta XIX Edición dos Premios de Publicidade en Galego, presentáronse máis de 110 traballos nas tres modalidades: Internet, radio e televisión.




Ángel Currás Fernández elixido como alcalde de Santiago de Compostela
O edil asume hoxe a máxima responsabilidade da capital de Galicia

O Consello Asesor de RTVE-Galicia e da CRTVG quere expresar públicamente as súas felicitacións a D. Ángel Currás Fernández, desexándolle os maiores éxitos ao asumir hoxe a máxima responsabilidade da capital de Galicia, tras ser elixido como alcalde de Santiago de Compostela.




Marcos Gómez Román e Jacobo Varela Suanzes-Carpegna tomaron posesión, como membros do Consello Asesor de RTVE-G e da CRTVG
Os novos conselleiros, representantes do PP, sustituen a Luis De la Matta e Ángel Currás

O Consello Asesor de RTVE-G e da CRTVG, en funcións, ven de renovar a súa composición, tras as baixas voluntarias producidas no seu dia, nas persoas de Ángel Currás Fernández e Luis de la Matta, ambos os dous representantes do PP. De acordo co establecido na Lei Reguladora do Consello Asesor de RTVE en Galicia, e de conformidade coas designacións efectuadas polo Parlamento de Galicia, na súa sesión plenaria do 14 de febreiro de 2012, foron nomeados como novos conselleiros Marcos Gómez Román e Jacobo Varela Suanzes-Carpegna.




CONVOCATORIA DO XIX PREMIO DE PUBLICIDADE EN GALEGO 2011
O 31 de marzo pecha o prazo para optar aos galardóns desta XIX edición do premio, único no seu xénero.

Os Premios entregaranse no transcurso dun acto que se celebrará arredor do 17 de maio




Os membros do Consello Asesor da CRTVG e RTVE-G trasladan os seus parabéns a D. Luis De la Matta Cantó


Os membros do Consello Asesor da CRTVG e de RTVE-G queren trasladarlle os seus parabéns e a súa felicitación a D. Luis De la Matta Cantó, tralo seu recente nomeamento como membro do Consello de Administración da CRTVG.




OS XVIII PREMIOS DE PUBLICIDADE EN GALEGO RECAEN EN DOUS ANUNCIOS DE CAIXA GALICIA E TURGALICIA


Os reclamos publicitarios “Toda Galicia quere seguir crecendo” e “Gárdasme o segredo”, de Caixa Galicia e Turgalicia, respectivamente, foron os gañadores da XVIII edición dos premios de Publicidade en Galego que cada ano convoca o Consello Asesor de RTVE en Galicia e da CRTVG. Ao acto de entrega dos galardóns asistiron o secretario xeral de Medios da Xunta, Alfonso Cabaleiro Durán, o secretario xeral de Política Lingüística, Anxo Lorenzo Suárez, a delegada da Xunta de Galicia en Vigo, Dna. Lucía Molares Pérez e o presidente do organismo convocante, Xosé Miguel Alonso Boó.




ENTREGA DO XVIII PREMIO DE PUBLICIDADE EN GALEGO, NA DELEGACIÓN DA XUNTA EN VIGO


O Consello Asesor da CRTVG e RTVE en Galicia entregará o vindeiro venres, 07 de outubro, ás 19.00 horas, na Delegación da Xunta en Vigo (r/ Concepción Arenal, 8 baixo), o “XVIII Premio de Publicidade en Galego”, único no seu xénero existente en Galicia.




RECOMENDACIÓNS PARA UN BO USO DA TELEVISIÓN


O Consello Asesor de RTVE en Galicia e da CRTVG, en funcións, na intención de colaborar a un uso máis adecuado da televisión polos nosos menores, presentamos unha serie de recomendacións que sirvan de guía aos educadores e axuda ó logro deste fin.



O prazo de presentación de candidaturas remata o 15 de xullo
XVIII PREMIOS DE PUBLICIDADE 2010







Nova sede do Consello Asesor


O Consello Asesor de RTVE-G e da CRTVG ven de trasladar a súa sede oficial á Rúa do Hórreo, 61 (pranta baixa) 15702 – SANTIAGO DE COMPOSTELA. Teléfono 981 571 462.




Comparecencia do Presidente do Consello Asesor de RTVE-Galicia e da CRTVG, o pasado 13 de decembro, na ponencia conxunta de reforma do marco legal da Compañía de Radio e Televisión de Galicia e das súas sociedades co obxecto de estudar a reforma da mesma







ANGEL SICART, PROFESOR DA UNIVERSIDADE DE SANTIAGO, DR. EN XEOGRAFIA E HISTORIA, LDO. EN FILOSOFÍA E LETRAS POLA UNIVERSIDADE DE SANTIAGO DE COMPOSTELA E MEMBRO DO CONSELLO ASESOR DA CRTVG E RTVE-G FOI NOMEADO “NOVO PATRONO DA FUNDACIÓN ARAGUANEY"







O XORNALISTA E MEMBRO DO CONSELLO ASESOR DA CRTVG E RTVE-G, D. FERNANDO RODRIGUEZ MÉNDEZ, GAÑA O PREMIO “VICENTE RISCO”


Primeira novela do escritor, xornalista e membro deste Consello Asesor, Fernando Méndez, coa que gañou o Premio Vicente Risco de Creación Literaria 2010.






O CONSELLO ASESOR DA CRTVG E RTVE-G ACORDOU, NO ULTIMO PLENO ORDINARIO CELEBRADO O PASADO 18 DE NOVEMBRO, FELICITAR AOS TRABALLADORES/AS DA CRTVG POLO TRABALLO DESENVOLVIDO DURANTE A VISITA DO PAPA, BIEITO XVI







Entrega dos XVII Premios de Publicidade en Galego


Baixo a presidencia do SR. D. ALFONSO CABALEIRO DURÁN, secretario xeral de Medios da Xunta de Galicia, procedemos á entrega dos XVII PREMIOS DE PUBLICIDADE EN GALEGO, convocados polo Consello Asesor de RTVE-G e CRTVG, CONSTITUIDO EN XURADO O DÍA 7 DE OUTUBRO DO 2010, ACORDA POR UNANIMIDADE OUTORGAR:
Autoridades asistentes ao acto de entrega, galardoados desta XVII Edición e membros do Consello Asesor da CRTVG e RTVE-G.






Os XVII Premios de Publicidade en Galego entréganse o venres en Lugo
Os premios, que están convocados polo Consello Asesor da CRTVG e da RTVE-G, terán nesta edición un galardón especial en atención á Muralla

O Consello Asesor da CRTVG e da RTVE-G entregará este venres, ás 19 horas, no salón de actos da Deputación de Lugo os galardóns aos gañadores dos XVII Premios de Publicidade en Galego. O certame - que ten como principal obxectivo fomentar a creatividade e a utilización do galego en todos os ámbitos da comunicaciòn- conta co patrocinio da Secretaria Xeral de Medios e a Secretaría Xeral de Política Lingüística da Xunta de Galicia e coa colaboración da Deputación luguesa.




Presentación do Premio de Publicidade en Galego, na Deputación de Lugo


O Consello Asesor de RTVE en Galicia presentou o pasado xoves, 22 de abril, ás 12.00 horas, na Deputación de Lugo (r/ San Marcos, s/n), o “XVII Premio de Publicidade en Galego”. O concurso vai dirixido a medios de comunicación, axencias e entidades promotoras que difundan anuncios e cuñas en galego. Nesta XVII edición convócase tamén un Premio especial para a promoción da Muralla de Lugo, que contará coa colaboración da Vicepresidencia 1ª da Deputación Provincial de Lugo.






A xornalista Rebeca Romero substitúe a Miguel Túñez no Consello da RTVE-G, en representación do BNG
O profesor da USC Miguel Túñez pasa a dirixir o programa da Radio Galega, na grella da tarde

Romero desempeña a súa labor xornalística no grupo parlamentario do BNG, e desenrolou a súa carreira en medios coma a Axencia EFE e La Voz de Galicia.




Guerra aberta aos audímetros
Por Luis de la Matta (membro do Consello Asesor de RTVE-G e da CRTVG)

Dende hai uns anos, a batalla polas vendas en produtos como a roupa deportiva, os coches ou os electrodomésticos deixou de formularse en termos exclusivamente de calidade, e pasou a librarse no campo da chamada responsabilidade social corporativa.

Importaba a resistencia dun determinado tecido, pero tamén as condicións laborais das persoas que o confeccionaban; importaba a estética dun vehículo, pero cada vez téñense máis en conta as súas emisións de dióxido de carbono á atmosfera. Hai que lavar a roupa, si; pero por que non facelo gastando menos electricidade e reducindo o consumo de auga?






Os membros do Consello Asesor danlle as súas felicitacións a D. José Miguel Túñez López


Os membros do Consello Asesor danlle as súas felicitacións, desexándolle os maiores éxitos no futuro tanto no profesional como no persoal a D. José Miguel Túñez López, asumindo a responsabilidade de conducir un novo programa das tardes da RADIO GALEGA.




Presentación do Premio de Publicidade en Galego, no Centro Cultural de Ourense


O Consello Asesor de RTVE en Galicia presentará o vindeiro luns, 7 de setembro, ás 11.30 horas, no Centro Cultural da Deputación de Ourense (r/ Progreso, 30), o “XVI Premio de Publicidade en Galego”.



Preguntas do deputado Francisco Rodríguez
Resposta do presidente da Corporación RTVE no Congreso dos Deputados
A resposta de Luis Fernández di que non se prevé despedir a ningún traballador do Centro Territorial en Galicia

O presidente da Corporación de RVTE, Luis Fernández, respondeu s 7 preguntas formuladas polo deputado do Grupo Mixto (BNG) Francisco Rodríguez. Explica que todas as saídas dos traballadores foron pactadas e aprobadas en referendum.



O Consello Asesor de RTVE en Galicia convoca a terceira edición do concurso
Campaña de autopromoción dos Premios de Publicidade en Galego e da páxina web do Consello
O premio será de 600 euros e diploma acreditativo

Poden concursar tódol@s alumn@s matriculad@s en Publicidade, Xornalismo ou Comunicación Audiovisual dalgunha das Facultades de Galicia. Pódense presentar traballos individuais ou en grupos, elaborados integramente en galego.



Acordo tomado el día 4 de abril
O Consello Asesor de RTVE Galicia defende o centro territorial de RTVE en Galicia
Súmase así aos apoios mostrados por varias institucións de Galicia

O Consello Asesor aporobou apoiar o mantemento do Centro Territorial de RTVE en Galicia e defende a importancia para a Comunidade Autónoma.



Outorgáronse os premios de televisión, radio e Internet
BAP Conde gaña o premio Publicidade 2004
Mención especial a Atlético International por facer un spot en galego

O Grupo Bap Conde, co anuncio da empresa de alimentación Gadis, foi o gañador do Premio de Publicidade 2004, organizado polo Consello Asesor de Radio Televisión Española en Galicia.



Concurso do Consello Asesor RTVE-G
Premio compartido no Concurso das campañas de autopromoción
O xurado propuxo aos gañadores a elaboración dunha proposta conxunta

O Consello Asesor da Radio Televisión Española en Galicia concedeu o premio do concurso “Campaña de autopromoción dos premios de publicidade en galego e da páxina web do Consello” ás propostas tituladas “Implícate para gañar” e “Os pugas”



O Consello Asesor estrea páxina web
Os cidadáns xa poden acceder á web do Consello Asesor de RTVE Galicia
A páxina estará operativa desde o primeiro de febreiro

A través da dirección http://www.conselloasesor-rtvegalicia.com calquera cidadán que o desexe, pode acceder ós contidos que ofrece, dun xeito gratuíto, o Consello Asesor de Radio Televisión Española. A páxina é unha das ferramentas máis operativos para poder consultar os traballos que desenvolve este organismo.




Campaña de autopromoción dos premios de publicidade en galego e da páxina web do Consello


O Consello Asesor da RTVE-Galicia aporta un único premio para este concurso: 1° premio.- 600 Euros e placa acreditativa.





 

   
consorcio banner

 

Web oficial do Consello asesor de r.t.v.e en Galicia - Rúa do Hórreo, 61 (planta baixa)- Santiago - T. 981.57.14.62 - Mail. info@conselloasesor-rtvegalicia.com