Noticias

Dirixida aos alumnos de Comunicación das tres universidades galegas
Campaña dos premios de promoción dos Premios de Publicidade en Galego
Membros do Consello participan nun ciclo de charlas para animar á participación

A Facultade de Ciencias da Comunicación da Universidade de Santiago de Compostela acolleu a primeira das charlas-presentación dos premios, dirixidos a alumnos das tres facultades galegas de Ciencias da Comunicación, que por segundo ano convoca o Consello Asesor do Ente Público RTVG en Galicia e da CRTVG.

Con estes premios o Consello Asesor pretende estimular a creatividade entre os universitarios e ter un elemento de apoio para estimular a participación de axencias, produtoras e anunciantes nos “Premios de Publicidade en Galego” que este ano 2008 chegan á edición nº 16. Tres membros do Consello Asesor (Fernanda Blanco, Xosé Miguel Túñez e Xosé Francisco Lorenzo) participan neste ciclo de charlas.
Nestas charlas, os tres membros do Consello Asesor, informarán da convocatoria deste premio ao que poden concorrer alumnos e alumnas de Publicidade, Xornalismo e Comunicación Audiovisual de calquera das tres Universidades galegas. Para elo deberán presentar, baixo pseudónimo e en sobre pechado, imaxe e lema orixinais que incentiven á producción e emisión de publicidade en galego. O “target” ao que debe ir dirixida a campaña é o de toda a sociedade galega. Os traballos pódense presentar de xeito individual ou tamén en grupo. O premio é de 600 euros máis diploma acreditativo. O Consello Asesor editará camisetas, chapas, carteis ou os elementos, do traballo gañador, que considere oportunos pàra a promoción dos XVI Premios de Publicidade en Galego que serán convocados nestes próximos meses. O prazo de presentación dos traballos para a Campaña de Promoción dos Premios de Publicidade en Galego remata o vindeiro 30 de maio.
Os traballos deben ser remitidos ao Consello Asesor, Praza da Quintana nº 2 – 1º. 15704 Santiago de Compostela. BASES DO CONCURSO EN PDF

Envíanos a túa opinión
Se o desexas, podes enviarnos a túa opinión cubrindo este formulario.

Máis información sobre o tema
- Non hai

Envíalle esta noticia a un amigo
Podes enviarlle esta noticia á persoa que o desexes.